لە پارێزگای قەرس له وڵاتی توركیا، ڕووداوێکی هاتوچۆی زنجیری لەنێوان دوو پاس و بارهەڵگرێک ڕوویدا، بەپێی ئامارە بەراییەکان، لەو ڕووداوەدا دوو کەس گیانیان لەدەستداوە و هەشت کەسی دیکەش برینداربوون.
ڕووداوەکە لە ناوچەی کاراکورت لە ڕێگای نێوان قەزای هۆراسان لە ئەرزەڕۆم و قەزای ساریکامش لە قەرس لە نێوان دوو پاس و بارهەڵگرێک ڕوویدا.
پاش ئاگادارکردنەوەیان ژمارەیەکی زۆر لە تیمەکانی تەندروستیی، جەندرمە و گەڕان و ڕزگارکردن ڕەوانەی شوێنی ڕووداوەکە کران.
پارێزگاری قەرس، زیا پۆڵات، لە لێدوانێکیدا بۆ ئاژانسه‌كان باسی لەوە کرد کە بەپێی ئامارە بەراییەکان دوو کەس گیانیان لەدەستداوە و هەشت کەسی دیکەش برینداربوون.
بارینی بەفر و ڕوودانی سەهۆڵبەندان لە ناوچەکە کاریگەری لە ڕوودانی ئەو ڕووداوە دڵتەزێنەدا هەبوو.
کۆمێنت (0)
تا ئێستا هیچ کۆمێنتێک نەکراوە.