سه‌رله‌ئێواره‌ی ئه‌مڕۆ دووشه‌م و كه‌مێك پێش ئێستا زنجیره چیای مه‌تین سه‌ر به شارۆچكه‌ی ئامێدی له‌لایه‌ن فڕۆكه جه‌نگییه‌كانی توركیاوه بۆردومان كرا.
په‌یامنێری (كوردستان تیڤی) پێی ڕاگه‌یاندین: كه‌مێك پێش ئێستا فڕۆكه جه‌نگییه‌كانی توركیا زنجیره چیای مه‌تینیان له دوروبه‌ری گوندێ گوهه‌رزێ له سنووری شاره‌دێی دێره‌لووك سه‌ر به شارۆچكه‌ی ئامێدی بۆردومان كرد.
ڕاشیگه‌یاند: فڕۆكه جه‌نگییه‌كان چه‌ند مووشه‌كێكیان ئاراسته‌ی زنجیره چیاكه كرد و ده‌نگی ته‌قینه‌وه‌ی گه‌وره هات كه به‌هۆی به‌هێزییه‌كه‌ی ده‌رگه و په‌نجه‌ره‌ی هاووڵاتییان له شاره‌دێی دێره‌لووك هه‌ژا.
ئاماژه‌ی به‌وه‌ش دا كه تا ئێستا نازانرێ بۆردومانه‌كه زیانی گیانی به‌دوای خۆیدا هێناوه یاخود نا.
ئامێدی / به‌شار عه‌لی
کۆمێنت (0)
تا ئێستا هیچ کۆمێنتێک نەکراوە.