بەهۆی هەبوونی چەکدارانی پەکەکە، فڕۆکە جەنگییەکانی سوپای تورکیا بۆ جارێکی دیکە چەند شوێنێکی دەڤەری سیدەکان و چیا و کوێستانەکانی ئەم دەڤەرەیان بۆردومان کرده‌وه.
بۆردومانەکەی ئه‌مڕۆ سێشه‌م کاتژمێر 4:30 خولەک ئەنجامدران.
بۆردومانه‌كه هەریەک لە چیای ڕواڵ و سەری بەربزین و گەرووی سنگا و کوێستانەکانی خنێرە و شەکیوی گرتەوە.
ئەم بۆردومانەی سوپای تورکیا لە دووری ئاوایی و شوێنه‌كانی نیشتەجێبوونی هاووڵاتییان بووە و تا ئێستاش زیانەکانی نەزانراون.
ئه‌مه له‌كاتێكدایه كه پێش نیوەڕۆی دوێنێ دووشه‌میش سوپای تورکیا لە ڕێگه‌ی فڕۆکەی جەنگی و هەلیکۆپتەرەوه سنووری خواکوڕک و چەند شوێنێكی دیکەی ناوچەکەیان له سیده‌كان بۆردومان کردبوو.
ڤیدیۆ: دیمه‌نی بۆردومانی ئه‌مڕۆی فڕۆكه‌كانی توركیا لە سەری ڕوواڵ و بناری چیای شەکیو:-
سیده‌كان / مه‌هدی داود
کۆمێنت (0)
تا ئێستا هیچ کۆمێنتێک نەکراوە.