به‌شی كه‌شوهه‌وای وه‌زاره‌تی گواستنه‌وه و گه‌یاندن ڕایگه‌یاند، سبه‌ی هه‌ینی له سه‌نته‌ری شاره‌كانی هه‌رێمی كوردستان باران ده‌بارێت و له چیاكانیش به‌فر ده‌بارێت.
به‌شی كه‌شوهه‌وا ڕایگه‌یاند: لە ئەنجامى هاتنى نزمەپاڵەپەستۆی دەریای سپی ناوەڕاست، پێشبینى دەکرێ سبەى هەینى ئاسمانى هەرێم هەورى تەواو بێت.
ڕاشیگه‌یاند: سبه‌ی لە کاتەکانى بەیانیدا لە سەنتەرى شارەکان نمەباران ده‌بارێت، به‌ڵام لە کاتەکانى دواى نیوەڕۆدا بارانبارینه‌كه دەگۆڕێت بۆ نمەبارانى پچڕ بچڕ.
هه‌روه‌ها ڕایگه‌یاند: له ناوچه شاخاوییه‌كان به‌فر ده‌بارێت و پلەکانى گەرماش بە ڕێژه‌ی 2 - 4 پلە دادەبەزێت، ئه‌مه جگه له‌وه‌ی كه خێرایی با (10-20) کم/س دەبێت.
به‌شی كه‌شوهه‌وا پشبینیشی كرد كه ئەم شەپۆڵە تا پێش نیوەڕۆی ڕۆژی دووشەمی داهاتوو بەردەوام بێت.
کۆمێنت (0)
تا ئێستا هیچ کۆمێنتێک نەکراوە.