پسپۆڕێكی كه‌شوهه‌وا ڕایده‌گه‌یه‌نێت كه ئێستا هه‌ورێك گه‌یشتۆته ئاسمانی هه‌رێمی كوردستان و پێشبینی ده‌كرێت سبه‌ی دوای كاتژمێر 7ی سه‌رله‌به‌یانی هه‌وره‌كه باران ببارێنێت.
محه‌مه‌د كه‌لاری پسپۆڕێكی كه‌شوهه‌وا ڕایگه‌یاند: ئێستا هه‌وری به‌رزی بێ باران داخلی هه‌رێمی كوردستان بووه و به‌هۆی كاریگه‌ری شه‌پۆڵه‌كه پێشبینی ده‌كرێ دوای كاتژمێر 7ی سه‌رله‌به‌یانی سبه‌ی هه‌ینی بارانبارین له ناوچه‌كانی هه‌رێمی كوردستان ده‌ست پێ بكات.
ڕاشیگه‌یاند: رێژه‌ی بارانبارینه‌كه مامناوه‌ند بۆ باش ده‌بێت و له چیاكانیش ئه‌گه‌ری بارینی به‌فر هه‌یه.
جه‌ختیشی كرده‌وه كه ئه‌گه‌ر هه‌یه له كاته‌كانی سبه‌ی ئێواره به‌دواوه رێژه‌ی به‌فربارین له چیاكان فراوانتر و زیاتر ببێت.
کۆمێنت (0)
تا ئێستا هیچ کۆمێنتێک نەکراوە.