وەزیری دەرەوەی عێراق بە سەرۆكایەتی شاندێكی باڵا گەیشتە ئەنقەرە

ئەمڕۆ سێشەممە، فوئاد حسێن، وەزیری دەرەوەی عێراق بە سەرۆكایەتی شاندێكی باڵا گەیشتە ئەنقەرەی پایتەختی توركیا.
ئەحمەد سەحاف، وتەبێژی وەزارەتی دەرەوەی عێراق، لە بەیاننامەیەكدا ڕایگەیاندووە: فوئاد حسێن، جێگری سەرۆكوەزیران و وەزیری دەرەوەی عێراق، بە سەرۆكایەتی شاندێكی باڵا گەیشتە ئەنقەرەی پایتەختی توركیا.
سەحاف ئاماژەی بەوەشكرد، وەزیری دەرەوەی عێراق لەگەڵ هاكان فیدان، وەزیری دەرەوەی توركیا كۆدەبێتەوە.
گوتیشی: لەكۆبوونەوەكەدا ڕێگاكانی پەرەپێدان و پتەوكردنی پەیوەندییە دووقۆڵییەكانی نێوان بەغدا و ئەنقەرە تاوتوێی دەكرێت، هەروەها ئاسۆی هاوكاریی نێوان هەردوو وڵات بەتایبەت بەهێزكردنی هاوكاری ئەمنی و هەواڵگری دەخرێتە بەر باس.