كۆمیسیۆنی باڵای سه‌ربه‌خۆی هه‌ڵبژاردنه‌كان سه‌ركه‌وتنی پڕۆسه‌ی ده‌نگدانی بۆ هه‌ڵبژاردنی ئه‌نجوومه‌نی پارێزگه‌كانی عێراقی ڕاگه‌یاند.
كۆمیسیۆنی هه‌ڵبژاردنه‌كان ڕایگه‌یاند: پڕۆسەی دەنگدان بە سەرکەوتوویی کۆتایی هات و سه‌رجه‌م ئامێر و کەرەستەکانی ده‌نگدان بە تەواوه‌تی كاریان كردووه.
جه‌ختیشی كرده‌وه كه ئێستا له سه‌رجه‌م بنكه‌كان له ته‌واوی پارێزگه‌كانی عێراق ده‌ستیان كردووه بە ناردنی ئەنجامەکان و هه‌روه‌ها خستنه‌ڕووی داتاكان بۆ نوێنەری حیزب و لایه‌نه‌كان.
ڕاشیگه‌یاند: سوپاسی سه‌رۆك وه‌زیرانی عێراق و لیژنه‌ی باڵای ئه‌منی ده‌كه‌ین كه توانیان سه‌ركه‌وتووانه پاڵپشتیمان بكه‌ن له به‌ڕێوه‌چوونی هه‌ڵبژاردنه‌كاندا.
ئه‌مڕۆ دووشه‌م پڕۆسه‌ی ده‌نگدانی گشتی بۆ هه‌ڵبژاردنی ئه‌نجوومه‌نی پارێزگه‌كانی عێراق له ناوچه كوردستانییه‌كانی ده‌ره‌وه‌ی ئیداره‌ی هه‌رێم و 15 پارێزگه‌‌‌ی عێراق له كاتژمێر 7ی سه‌رله‌به‌یانییه‌وه ده‌ستی پێ كرد و كاتژمێر 6 پڕۆسه‌كه كۆتایی هات.
کۆمێنت (0)
تا ئێستا هیچ کۆمێنتێک نەکراوە.