سه‌رپه‌رشتیاری ئیداره‌ی سه‌ربه‌خۆی سۆران بڕیاری دا هیچ ئاهه‌نگێك به‌بۆنه‌ی سه‌ری ساڵی نوێ له ئیداره‌ی سه‌ربه‌خۆی سۆران به‌ڕێوه نه‌چێت به‌هۆی رووداوی ئاگركه‌وتنه‌وه‌كه‌ی چه‌ند رۆژی رابردووی سۆران كه ژماره‌یه‌ك قوربانی و برینداری لێ كه‌وته‌وه.
هەڵگورد شێخ نەجیب سەرپەرشتیاری ئیدارەی سۆران رایگەیاند: بۆ رێزگرتن لە قوربانییانی ڕووداوی ئاگركه‌وتنه‌وه‌كه‌ی رۆژی 8/12ی باڵەخانەیەکی نیشتەجێبوون لە سۆران، بریاردرا هیچ ئاهەنگ و بۆنەیەکی سەری ساڵ لە ئیدارەی سۆران بەڕیوەنەچێت.
ڕاشیگه‌یاند: به‌ڕێوه‌نه‌چوونی ئاهه‌نگ و بۆنه‌كانی سه‌ری ساڵ وەک هاوخەمییەک ده‌بێت لەگەڵ کەسوکاری قوربانییەکان و رێزگرتن لە گیانی پاکی قوربانییان.
رۆژی 8/12ی ڕابردوو لە ئەنجامی کەوتنەوەی ئاگر لە باڵەخانەیەکی نیشتەجێبوون لە سۆران، 14 هاووڵاتی بوونە قوربانی و ژمارەیەکیش بریندار بوون.
کۆمێنت (0)
تا ئێستا هیچ کۆمێنتێک نەکراوە.