بەڕێوەبەری گشتیی حەج: تیروپشکی دادپەروەرانە بۆ پێشکەشکارانی حەج لە هەرێمی کوردستان کرا

پرۆسەی تیروپشک "بە شێوەیەکی دادپەروەرانە" بۆ ناردنی پێشکەشکارانی حەج لە هەرێمی کوردستان کرا و بەڕێوەبەری گشتیی حەج و عەمرەی کوردستانیش دەڵێت: "پرۆسەکە دادپەروەرانە و ڕوون بوو".

شێخ نیاز نەقشبەندی، بەڕێوەبەری گشتیی حەج و عەمرەی کوردستان، لەوبارەوە بە فەرمانگەی میدیا و زانیاریی ڕاگەیاند: "ژمارەی ئەوانەی ناویان تۆمار کردبوو، 121 هەزار و 864 کەس بوون، لە 2017تاکوو 2023ناویان تۆمار کردبوو، ڕێژەی 60% بۆ ئەوانە بووە کە لە2017ەوە ناویان تۆمار کردووە،40%یش بۆ ئەوانە بوو کە ساڵی 2023خۆیان تۆمار کردووە. زیاتر لە 2 هەزار کەسیش بوونە یەدەگ، تا لە کاتی بۆشاییدا جێگە بگرنەوە."

نەقشبەندی ئەوەشی گوت: "ئەم گەشتە ئایینییە لە لایەن حکومەتی هەرێمی کوردستانەوە سەرپەرشتی دەکرێت و هەموو مافێکی حاجییان و خزمەتگوزارییەکانیان لە ناوەوەی هەرێمی کوردستانە و لە وڵاتی سعودییە لەبەرچاو دەگرێت."

پرۆسەی تیروپشکی پێشکەشکارانی حەج ڕۆژی شەممە، 16ـی کانوونی یەکەمی 2023، بە شێوەیکی ڕوون و ئاشکرا، بە ئامادەییی کەناڵەکانی ڕاگەیاندن و سەرپەرشتیی نوێنەری ئەنجوومەنی وەزیران و دوو دادوەر بەڕێوە چوو.

لینکی ناوی دەرچووان:

https://drive.google.com/drive/folders/15YtIqlCoJZjTSlxvbdPGIUTZ4spMFcFf?usp=sharing