میری كوەیت كۆچی دواییكرد

دیوانی میری كوەیتی، ئەمڕۆ شەممە كۆچی دوایی میری وڵاتەكەی شێخ نەواف ئەحمەد جابر سەباح-ی لە تەمەنی 86 ساڵیدا ڕاگەیاند.
وەزیری كاروباری دیوانی ئەمیری كوەیتی ڕایگەیاند: ئەمڕۆ شەممە شێخ نەواف ئەحمەد جابر سەباح،میری وڵات كۆچی دوایی كرد و گەڕایەوە لای پەروەردگار.
لەوبارەیەوە تەلەفزیۆنی حكومەتی كوێت بەرنامەكانی خۆی وەستاند و دەستی بە پەخشكردنی قورئانی پیرۆز كردوو ڕایگەیاند : بەم نزیكانە بەیاننامەیەكی دیوانی ئەمیری بڵاودەكرێتەوە.
شایانی باسە دوێنێ هەینی، شێخ محەمەد عەبدوڵڵا موبارەك سەباح ،وەزیری كاروباری دیوانی میری كوەیت ڕایگەیاند، باری تەندروستی شێخ نەواف ئەحمەد جابر سەباح، میری كوەیت جێگیرە.