به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی رایگه‌یاند كه ئێستا له هه‌ندێ ناوچه‌ی هه‌رێمی كوردستان ته‌م دروست بووه و به‌هۆیه‌وه مه‌ودای بنین بۆ نزمترین ئاست دابه‌زیوه.
كه‌شناسی ئه‌مشه‌و هه‌ینی ڕایگه‌یاند: لە هەندێک ناوچەکانى هەرێمى کوردستان تەم دروست بووە و ئه‌م ته‌مه‌ش تا درەنگانى شەو بەردەوامی دەبێت.
ڕاشیگه‌یاند: به‌هۆی ئه‌م ته‌مه‌وه مەوداى بینین لە هەندێ ناوچەدا کەمتر بۆتەوە بۆ 200 مه‌تر.
كه‌شناسی سه‌باره‌ت به ڕه‌وشی كه‌شوهه‌وای ئه‌مڕۆ هه‌ینی، پێشتر ڕایگه‌یاندبوو كه ئاسمانی هه‌رێمی كوردستان به شێوه‌یه‌كی گشتی ساماڵ و په‌ڵه‌هه‌ور ده‌بێت.
جه‌ختیشی كردبووه‌وه كه پله‌كانی گه‌رما به‌راود به تۆماره‌كانی دوێنێ پێنجشه‌م، 1 بۆ 2 پله به‌رز ده‌بنه‌وه.
کۆمێنت (0)
تا ئێستا هیچ کۆمێنتێک نەکراوە.