كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق رایگه‌یاند كه تا رۆژی به‌ڕێوه‌چوونی هه‌ڵبژاردنی ئه‌نجوومه‌نی پارێزگه‌كانی عێراق، كارتی بایۆمه‌تری ده‌نگدان دابه‌ش ده‌كه‌ن و داواشی له هاووڵاتییان كرد بچن كارته‌كانیان وه‌ربگرنه‌وه.
كۆمیسیۆنی باڵای سه‌ربه‌خۆی هه‌ڵبژاردنه‌كان ئه‌مڕۆ هه‌ینی له ڕاگه‌یه‌نراوێكدا داوای له هاووڵاتییان كرد ئه‌وانه‌ی تا ئێستا كارتی بایۆمه‌تری ده‌نگدانیان وه‌رنه‌گرتۆته‌وه، بچنه بنكه‌كانیان له سنووری پارێزگه‌كانیان و كارته‌كانیان وه‌ربگرنه‌وه.
ڕاشیگه‌یاند: ده‌نگده‌رانی تایبه‌ت تا سبه‌ی شه‌ممه ڕێكه‌وتی 16/12/2023 كه واده‌ی به‌ڕێوه‌چوونی هه‌ڵبژاردنی تایبه‌ته، ده‌توانن بچنه بنكه‌كانیان و كارته‌كانیان وه‌ربگرنه‌وه.
ئاماژه‌ی به‌وه‌ش دا كه ده‌نگده‌رانی گشتیش، تا رۆژی دووشه‌م ڕێكه‌وتی 18/12/2023 كه واده‌ی به‌ڕێوه‌چوونی هه‌ڵبژاردنی گشتی ئه‌نجوومه‌نی پارێزگه‌كانی عێراقه، ده‌توانن بچنه بنكه‌كان و كارته‌كانیان وه‌ربگرنه‌وه.
کۆمێنت (0)
تا ئێستا هیچ کۆمێنتێک نەکراوە.