یه‌كێتی تۆپی پێی نێوده‌وڵه‌تی (فیفا) ئه‌مڕۆ پێنجشه‌م لیستی كۆتایی ناوی به‌ربژێران بۆ خه‌ڵاتی باشترین یاریزانی 2023ی جیهان (زه بێست) بڵاو كرده‌وه.
لیستی كۆتایی كه 3 یاریزانن به‌مشێوه‌ی خواره‌وه‌یه:-
لیۆنێل میسی (له یانه‌ی ئینته‌ر میامی و هه‌ڵبژارده‌ی ئه‌رجه‌نتین)
ئیریك هالاند (له یانه‌ی مانچسته‌ر سیتی و هه‌ڵبژارده‌ی نه‌رویج)
كلیان مباپێ (له یانه‌ی پاریس سان جێرمان و هه‌ڵبژارده‌ی فڕه‌نسا)
بڕیاره له رۆژی 15ی كانوونی دووه‌می 2024 له ئاهه‌نگێكدا له شاری له‌نده‌نی پایته‌ختی ئینگته‌ڕا ناوی براوه‌ی خه‌ڵاتی زه بێستی 2023 بڵاو بكرێته‌وه.
یه‌كێتی تۆپی پێی نێوده‌وڵه‌تی له لیستی سه‌ره‌تای خه‌ڵاتی زه بێست 12 یاریزانی به‌ربژێر كردبوو، ئه‌مڕۆش له‌لایه‌ن پسپۆڕانه‌وه لیسته‌كه بۆ 3 یاریزان كه‌مكرایه‌وه.
ئه‌و سێ یاریزانه له‌لایه‌ن لیژنه‌یه‌كی نێوده‌وڵه‌تییه‌وه دیاریكراون كه پێكهاتوون له راهێنه‌رانی هه‌ڵبژارده‌ی پیاوان، كاپتنی هه‌ڵبژارده‌كانی پیاوان، رۆژنامه‌وانانی وه‌زرشی تۆپی پێ له‌گه‌ڵ ده‌نگی هاووڵاتییان له ماڵپه‌ڕی فه‌رمی فیفا.
کۆمێنت (0)
تا ئێستا هیچ کۆمێنتێک نەکراوە.