سه‌رجه‌م ماڵپه‌ڕه‌ سێكسییه‌كان له‌ عێراق داده‌خرێن

ئه‌مڕۆ پێنجشه‌م دادگه‌ی باڵای فیدڕالی عێراق فه‌رمانی ده‌وڵه‌تی بۆ ڕاگرتن و بلۆككردنی سه‌رجه‌م ماڵپه‌ڕه‌ سێكسییه‌كانی له‌ عێراق ده‌ركرد.

فه‌رمانه‌كه‌ی ئه‌مڕۆی دادگه‌ی باڵای فیدڕالی له‌سه‌ر پێشكه‌شكردنی داوایه‌ك بوو له‌لایه‌ن په‌رله‌مانتار باسم خه‌زعه‌ل خه‌شان كه‌ تێیدا داوای كردبوو سه‌رجه‌م ماڵپه‌ڕه‌ سێكسی و پۆڕنه‌كان له‌ عێراق دابخرێن.

له‌سه‌ر بنه‌مای داواكه‌، دادگه‌ی باڵای فیدڕالی كۆبووه‌وه‌ و فه‌رمانی به‌ وه‌زیری گواستنه‌وه‌ و گه‌یاندن و و سه‌رۆكی ده‌سته‌ی ڕاگه‌یاندن و په‌یوه‌ندییه‌كانی عێراق كرد و پابه‌ندی كردن به‌ داخستن و بلۆككردنی سه‌رجه‌م ماڵپه‌ڕه‌ سێكسییه‌كان له‌ سه‌رتاسه‌ری عێراق.

جه‌ختیشی كرده‌وه‌ كه‌ فه‌رمانه‌كه‌ ده‌وڵه‌تییه‌ و پێویسته‌ له‌سه‌ر سه‌رجه‌م ده‌سه‌ڵاته‌كان پابه‌ندی بن و جێبه‌جێی بكه‌ن.