وه‌زاره‌تی په‌روه‌رده‌ی عێراق ڕایگه‌یاند كه له سه‌رجه‌م قوتابخانه‌كان له پارێزگه‌كانی عێراق بۆ ماوه‌ی هه‌فته‌یه‌ك پشوو ده‌بێت و پشووه‌كه‌ش له دووسبه‌ی سێشه‌ممه‌وه ده‌كه‌وێته بواری جێبه‌جێكردنه‌وه.
وه‌زاره‌تی په‌روه‌رده‌ی عێراق ئه‌مشه‌و یه‌كشه‌م له به‌یاننامه‌یه‌كدا بڵاوی كرده‌وه: له سه‌رجه‌ر‌م قوتابخانه و ناوه‌نده‌كانی خوێندن له پارێزگه‌كانی عێراق بۆ ماوه‌ی هه‌فته‌یه‌ك پشوو ده‌بێت به‌هۆی به‌ڕێوه‌چوونی هه‌ڵبژاردنی ئه‌نجوومه‌نی پارێزگه‌كانی عێراق.
ڕاشیگه‌یاند كه پشووه‌كه له رۆژی سێشه‌می داهاتوو ڕێكه‌وتی 12/12/2023 ده‌كه‌وێته بواری جێبه‌جێكردنه‌وه تاكو رۆژی سێشه‌می هه‌فته‌ی داهاتوو ڕێكه‌وتی 19/12/2023.
ئه‌مه له‌كاتێكدایه كه پێشتر كۆمیسیۆنی باڵای سه‌ربه‌خۆی هه‌ڵبژاردنه‌كانی عێراق ڕایگه‌یاندبوو كه ئه‌نجوومه‌نی وه‌زیرانی عێراق ڕه‌زامه‌ندی نیشانداوه له دووسبه‌ی سێشه‌ممه‌وه تاكو سێشه‌می هه‌فته‌ی داهاتوو ڕێكه‌وتی 19/12/2023 پشوو بێت له‌م پارێزگه‌یانه‌ی كه هه‌ڵبژاردنه‌كانی ئه‌نجوومه‌نی پارێزگه‌كانی عێراقیان تێدا ئه‌نجام ده‌درێت.
کۆمێنت (0)
تا ئێستا هیچ کۆمێنتێک نەکراوە.