ئه‌مشه‌و هه‌ینی و كه‌مێك پێش ئێستا له سنووری شارۆچكه‌ی داقووق، چه‌كدارانی داعش هێرشیان كرده سه‌ر حه‌شدی شه‌عبی و سوپای عێراق و به‌هۆیه‌وه كوژراو و بریندار كه‌وتۆته‌وه.
په‌یامنێری (كوردستان تیڤی) له كه‌ركووك پێی ڕاگه‌یاندین: كه‌مێك پێش ئێستا چه‌كدارانی داعش له نزیك پردی عوسمانی له شارۆچكه‌ی داقووق له باشووری كه‌ركووك هێرشیان كرده سه‌ر سوپای عێراق و حه‌شدی شه‌عبی.
ڕاشیگه‌یاند: به‌گوێره‌ی زانیارییه سه‌ره‌تاییه‌كان له هێرشه‌كه‌دا سه‌ربازێكی سوپای عێراق كوژراوه و دوو چه‌كداری حه‌شدی شه‌عبیش به سه‌ختی بریندار بوون.
كه‌ركووك / هه‌ڵۆ جه‌باری
کۆمێنت (0)
تا ئێستا هیچ کۆمێنتێک نەکراوە.