سوپای ئیسڕائیل ئه‌مڕۆ سێشه‌م ئاشكرای كرد كه ژماره‌ی سه‌ربازه كوژراوه‌كانیان له شه‌ڕی زه‌مینی بۆ سه‌ر كه‌رتی غه‌ززه بۆ 80 سه‌رباز به‌رزبووه‌وه.
سوپای ئیسڕائیل ڕایگه‌یاند: له‌ماوه‌ی 24 كاتژمێری ڕابردوودا له ئه‌نجامی شه‌ڕ و پێكدادانه‌كان له كه‌رتی غه‌ززه 5 سه‌ربازی تری ئیسڕائیلی كوژراون.
ڕاشیگه‌یاند: به كوژرانی ئه‌م 5 سه‌ربازه، ژماره‌ی سه‌ربازه كوژراوه‌كان له‌وه‌ته‌ی هێرشی زه‌مینی بۆ سه‌ر غه‌ززه ده‌ستی پێ كردووه گه‌یشته 80 سه‌رباز.
به‌مه‌ش كۆی گشتی ئه‌و ئیسڕائیلییانه‌ی تا ئێستا به‌هۆی شه‌ڕ و پێكدادانه‌كان له‌گه‌ڵ بزووتنه‌وه‌ی حه‌ماس و گرووپه چه‌كداره‌كانی تری فه‌ڵه‌ستین كوژراون 1200 كه‌سی تێپه‌ڕاندووه و زۆرینه‌ی كوژراوه‌كانیش هاووڵاتی سڤیلن، به‌گوێره‌ی زانیاری ده‌سه‌ڵاتدارانی ئیسڕائیله‌وه.
له‌به‌رامبه‌ریشدا به‌گوێره‌ی نوێترین داتای وه‌زاره‌تی ته‌ندروستی فه‌ڵه‌ستین له كه‌رتی غه‌ززه تا ئێستا نزیكه‌ی 16 هه‌زار كه‌س كوژراون و زۆرینه‌ی كوژراوه‌كانیش منداڵ و ئافره‌ت و به‌ساڵاچووانن.
کۆمێنت (0)
تا ئێستا هیچ کۆمێنتێک نەکراوە.