وه‌زاره‌تی نه‌وتی عێراق ئه‌مڕۆ هه‌ینی داهاتی وڵاته‌كه‌ی له نه‌وتی خاودا بۆ مانگی رابردوو به 8.5 ملیار دۆلاری ئه‌مه‌ریكی دیاری كرد.
وه‌زاره‌تی نه‌وت له به‌یاننامه‌یه‌كدا بڵاوی كرده‌وه: مانگی ڕابردوو كۆمپانیای به‌بازاڕكردنی نه‌وتی عێراق (سۆمۆ) بڕی 102 ملیۆن و 975 هه‌زار و 782 به‌رمیل نه‌وتی خاوی هه‌نارده‌ی وڵاتانی جیهان كردووه.
بڵاویشی كرده‌وه: داهاته‌كه‌ی عێراق له نه‌وتدا مانگی ڕابردوو 8 ملیار و 512 ملیۆن دۆلاری ئه‌مه‌ریكی بووه.
وه‌زاره‌تی نه‌وتی عێراق ئاماژه‌ی به‌وه‌ش دا كه به‌گوێره‌ی داتاكانی سۆمۆ، به‌شێوه‌یه‌كی گشتی عێراق رۆژانه له مانگی ڕابردوودا 3 ملیۆن و 433 هه‌زار به‌رمیل نه‌وتی هه‌نارده كردووه.
جه‌ختیشی كرده‌وه كه به‌شێوه‌ی ڕێژه‌یی هه‌ر به‌رمیلێكی نه‌وتی عێراق به 82.66 دۆلار له بازاڕه‌كانی جیهان فرۆشراوه.
کۆمێنت (0)
تا ئێستا هیچ کۆمێنتێک نەکراوە.