فڕۆکە جەنگییەکانی ئیسرائیل، بۆردومانی چەند شوێنێکی کەرتی غەززەیان کرد.
لەو باره‌یەوە، سوپای ئیسرائیل لە ڕاگەیەندراوێکدا بڵاویکردەوە: فڕۆکە جەنگییەکان ئامانجەکانی حەماس بۆردومان دەکەن.
بەپێی زانیارییەکان، فڕۆکە جەنگییەکانی ئیسرائیل، سەرلەنوێ دەستیان بە هێرش کردووەتەوە بۆ سەر چەند شوێنێکی غەززە.
هەروەها لە ناوچەکانی باکوور و ناوەڕاستی غەززە، شەڕ و پێکدادان لە نێوان هێزەکانی ئیسرائیل و گرووپە فەڵەستینییەکاندا دەستی پێکردەوە.
وەزارەتی ناوخۆی غەززە، بڵاویکردەوە کە ئۆتۆمبێلە سەربازییەکانی ئیسرائیل دەستڕێژی گوللەیان لە باکووری غەززە کردووە.
ڕاگرتنی مرۆیی پێکدادانەکان کە بەپێی لێکتێگەیشتنی حەماس و ئیسرائیل لە کاتژمێر 8ی به‌یانی ڕۆژی هەینی 24ی تشرینی دووەم چووە بواری جێبەجێکردنەوە، بەیانی ئەمڕۆ کۆتایی هات.
کۆمێنت (0)
تا ئێستا هیچ کۆمێنتێک نەکراوە.