ئێواره ئه‌مڕۆ پێنجشه‌م فڕۆكه جه‌نگییه‌كانی سوپای عێراق مۆڵگه‌یه‌كی چه‌كدارانی داعشیان له چیاكانی گوندی په‌لكانه بۆردومان كردووه، ده‌ڵێن چه‌ند چه‌كدارێكی داعش كوژراون.
فه‌رمانده‌یی ئۆپه‌ڕاسیۆنه هاوبه‌شه‌كانی عێراق بڵاوی كرده‌وه: ئێواره‌ی ئه‌مڕۆ فڕۆكه جه‌نگییه‌كان مۆڵگه‌یه‌كی چه‌كدارانی داعشیان له زنجیره چیاكانی گوندی په‌لكانه له شاره‌دێی سه‌رگه‌ڕان له سنووری پارێزگه‌ی كه‌ركووك بۆردومان كردووه.
ڕاشیگه‌یاند: هێرشه‌كه دوای كۆكردنه‌وه‌ی زانیاریی وردی هه‌واڵگری به بوونی چه‌ند چه‌كدارێكی داعش له مۆڵگه‌یه‌كدا ئه‌نجامدراوه.
جه‌ختیشی كرده‌وه كه به‌هۆی ئاراسته‌كردنی چه‌ند مووشه‌كێك مۆڵگه‌كه خاپووركراوه و سه‌رجه‌م چه‌كداره داعشه‌كان و كه‌لوپه‌له‌كانی ناویشی له‌ناوبران.
کۆمێنت (0)
تا ئێستا هیچ کۆمێنتێک نەکراوە.