ئه‌مڕۆ پێنجشه‌م نێچيرڤان بارزانى سه‌رۆكى هه‌رێمى كوردستان له‌سه‌ر بانگهێشتى فه‌رميى شێخ محه‌مه‌د بن زايد ئال نه‌هيان سه‌رۆكى ئيمارات، ده‌گاته دوبه‌ى.
ئه‌م سه‌ردانه‌ى نێچيرڤان بارزانى بۆ به‌شداريكردنه له كۆنفرانسى نه‌ته‌وه‌يه‌كگرتووه‌كاندا بۆ گۆڕانى كه‌شوهه‌وا (COP28) كه سبه‌ى هه‌ينى هاوكات له‌گه‌ڵ ڕۆژى نيشتمانيى ئيماراتدا، به ئاماده‌بوون و به‌شداريى ژماره‌يه‌كى به‌رچاوى سه‌ركرده‌كانى جيهان له شارى ئێكسپۆ دوبه‌ى ئه‌نجام ده‌درێت.
ئيمارات سه‌رۆكايه‌تيى ئه‌م گه‌ڕه‌ى كۆنفرانسه‌كه ده‌كات و پرسه‌كانى تايبه‌ت به گۆڕانى كه‌شوهه‌وا و چۆنيه‌تيى ڕووبه‌ڕووبوونه‌وه‌ى لێكه‌وته‌كانى و ڕۆڵى وڵاتان له كه‌مكردنه‌وى مه‌ترسييه‌كانيدا، تاوتوێ ده‌كات.
کۆمێنت (0)
تا ئێستا هیچ کۆمێنتێک نەکراوە.