ئه‌مڕۆ سێشه‌م د. محەمەد شوکری سەرۆکی دەستەی وەبەرھێنان لەگەڵ ژمارەیەک لە وەبەرھـێنەر و خاوەنکارانی وڵاتی میسڕ کۆبۆوە.
لە دیدارەکەدا جەخت لە فراوانکردنی ئاڵوگۆری ئابووری و بازرگانی نێوان ھەرێمی کوردستان و وڵاتی میسڕ کرایەوە.
شاندی میسری ئامادەییان نیشان دا بەشداری پرۆژەکانی وەبەرھـێناندا بکەن و لە ھەمانکاتدا ھانی وەبەرھێنەرانی وڵاتەکەشیان بدەن سەردانی ھەرێمی کوردستان بکەن، بە دیاریکراوی لە کەرتی کشتوکاڵیدا وەبەرھـێنان بکەن .
لای خۆشیەوە سەرۆکی دەستەی وەبەرھـێنان ئامادەیی خۆی و دامەزراوەکانی حکوومەتی ھەرێمی کوردستانی لە چوارچێوەی یاسا بەرکارەکانی وەبەرھێنان نیشان دا بۆ ھەر کارئاسانییەک لە ئەنجامدانی پرۆژەکانیان لە ھەرێمی کوردستان.
کۆمێنت (0)
تا ئێستا هیچ کۆمێنتێک نەکراوە.