شاندێكی حكومەتی هەرێمی كوردستان بۆ تاوتوێكردنی پرسی مووچە سەردانی بەغدا دەكات

ئەمڕۆ چوارشەممە ئاوات شێخ جەناب نوری ،وەزیری دارایی حكومەتی هەرێمی كوردستان بەمەبەستی بەدواداچوون بۆ پڕۆسەی تۆماركردنی ناوی فەرمانبەرانی زانكۆی كۆیە لە پڕۆژەی هەژماری من ، سەردانی ئەو زانكۆیەی كردوو ڕایگەیاند: بڕیارە شاندێكی حكومەتی هەرێمی كوردستان بەمەبەستی دانووستان لەگەڵ حكومەتی فیدراڵی بۆ دابینكردنی مووچەی مووچەخۆران بۆ ماوەی سێ مانگی كۆتایی ساڵی 2023، سەردانی بەغدا بكات.
هەروەها گوتی: ئەو ئەركانەی لەسەر شانی حكومەتی هەرێمی كوردستان بوون، جێبەجێكراون و دوا تەروازووی پێداچوونەوەمان ناردووە.
ئاماژەی بەوەشكرد، ئەوەی ئێمە هەستی پێدەكەین و لەلایەن محەمەد شیاع سوودانی، سەرۆك وەزیرانی عێراقەوە پێمان گەیشتووە، ئامادەیی هەیە بۆ چارەسەركردنی كێشەكانی هەرێمی كوردستان.