سه‌رۆكی هه‌رێمی كوردستان ڕایگه‌یاند، له‌گه‌ڵ سه‌رۆك وه‌زیرانی پێشووتری به‌ریتانیا بیروڕامان له‌سه‌ر دوایین پێشهات و پێشبینییه‌كان بۆ داهاتوو گۆڕییه‌وه.
نێچیرڤان بارزانی سه‌رۆكی هه‌رێمی كوردستان له تۆڕی كۆمه‌ڵایه‌تی ئێكس بڵاوی كرده‌وه "خۆشحاڵ بووم ئه‌م ئێواره‌یه له هه‌ولێر پێشوازی له دۆستی گه‌لی كوردستان و هاوڕێی ئازیز بۆریس جۆنسۆن سه‌رۆك وه‌زیرانی پێشووتری به‌ریتانیا بكه‌م".
ڕاشیگه‌یاند "پێكه‌وه ده‌رباره‌ی دوایین پێشهاته‌كانی ناوچه‌كه، ئاڵنگاری و ئه‌گه‌ره‌كان و پێشبینی بۆ داهاتوو، بیروڕامان گۆڕییه‌وه.
بۆریس جۆنسۆن سه‌رۆك وه‌زیرانی پێشووتری به‌ریتانیا به مه‌به‌ستی به‌شداریكردن له دیداری مێپس (كۆڕبه‌ندی ئاشتی و ئاسایشی رۆژهه‌ڵاتی ناوه‌ڕاست) هاتبووه هه‌رێمی كوردستان و ئه‌مڕۆ له شاری دهۆك به‌شداری له پانێلێكی دیداره‌كه كرد.
خۆشحاڵ بووم ئه‌م ئێواره‌یه له هه‌ولێر پێشوازی له دۆستی گه‌لی کوردستان و هاوڕێی ئازیز به‌ڕێز بۆرس جۆنسن سه‌رۆک وه‌زیرانی پێشووتری به‌ریتانیا بکه‌م.
— Nechirvan Barzani (@IKRPresident) November 20, 2023
پێکه‌وه ده‌رباره‌ی دوایین پێشهاته‌کانی ناوچه‌که، ئاڵنگاری و ئه‌گه‌ره‌کان و پێشبینی بۆ داهاتوو، بیروڕامان گۆڕییه‌وه. pic.twitter.com/1V6hgSnBGe
کۆمێنت (0)
تا ئێستا هیچ کۆمێنتێک نەکراوە.