پارێزگه‌ی نه‌ینه‌وا وه‌ك یه‌كه‌م پارێزگه‌ی عێراق به‌هۆی خراپ كه‌شوهه‌واوه پشووی فه‌رمی سبه‌ی دووشه‌می ڕاگه‌یاند.
نه‌جم الجبووری پارێزگاری نه‌ینه‌وا بڕیاری دا سبه‌ی دووشه‌م ڕێكه‌وتی 20/11/2023 له ته‌واوی پارێزگه‌كه‌ی پشووی فه‌رمی بێت به‌هۆی خراپی كه‌شوهه‌وا و پێشبینییه‌كانی بارانبارینی زۆر و كۆبوونه‌وه‌ی ئاو و دروستبوونی لافاو.
پارێزگار ڕاشیگه‌یاند كه پشووه‌كه قوتابییانی پۆلی شه‌شه‌می ئاماده‌یی ئه‌وانه‌ی تاقیكردنه‌وه‌یان هه‌یه ناگرێته‌وه، هه‌روه‌ها فه‌رمانگه خزمه‌تگوزارییه‌كان وه‌ك پۆلیس و به‌رگریی شارستانی و ته‌ندروستی ئه‌وانیش پشووه‌كه نایانگرێته‌وه.
داواشی له هاووڵاتییانی پارێزگه‌ی نه‌ینه‌وا كرد جووله‌یان له‌سه‌ر شه‌قام كه‌م بكه‌نه‌وه و تا پێیان ده‌كرێت نه‌ینه ده‌ره‌وه بۆ سه‌لامه‌تبوونیان.
کۆمێنت (0)
تا ئێستا هیچ کۆمێنتێک نەکراوە.