كامێراكانی چاودێری ناو شارۆچكه‌ی خه‌بات به‌كار ده‌خرێن

به‌ڕێوه‌به‌رایه‌تی هاتوچۆی هه‌ولێر سه‌رجه‌م هاووڵاتییانی شارۆچكه‌ی خه‌باتی ئاگاداركرده‌وه‌ له‌ به‌كارخستنی كامێراكانی چاودێری له‌ناو شه‌قامه‌كانی ناو شارۆچكه‌كه‌.

هاتوچۆی هه‌ولێر ڕایگه‌یاند: ئاگاداری سەرجەم شوفێران و هاووڵاتییان و دانیشتووانی شارۆچكه‌ی خەبات دەکەینەوە کەوا لە ئه‌مڕۆ پێنجشه‌مه‌وه‌ ڕێكه‌وتی 2023/11/16 کامیرەکانی چاودێری شەقامەکانی ناو شارۆچكه‌كه‌ بەکار دەخرێت.

ڕاشیگه‌یاند: به‌كارخستنی كامێراكان ئێستا وەک تاقیکردنەوە ده‌بێت، به‌ڵام لە ڕۆژی 2023/11/22 کاتژمێر 12ی شەوەوە به‌شێوه‌ی فه‌رمی دەستبەکار دەبن بۆ تۆمارکردنی سەرپێچییه‌كان.

به‌ڕێوه‌به‌رایه‌تی هاتوچۆی هه‌ولێر له‌ كۆتاییدا داواشی له‌ هاووڵاتییان و شوفێرانی شارۆچكه‌ی خه‌بات كرد ئاگاداربن و بۆ پاراستنی خۆیان و ئازیزانیان پابەندبن بە ڕۆیشتن بەو خێراییەی کە بە هێماکان دیاریکراوە.