سه‌رۆكی هه‌رێمی كوردستان ئه‌مڕۆ سێشه‌م په‌یامێكی سه‌ره‌خۆشی به‌هۆی كۆچی دوایی شاعیر و نووسه‌ر هێمن قه‌ره‌داغی بڵاو كرده‌وه.
نێچیرڤان بارزانی سه‌رۆكی هه‌رێمی كوردستان له په‌یامه سه‌ره‌خۆشییه‌كه‌دا ڕایگه‌یاند "بۆ كۆچى ناواده‌ى شاعیر و نووسەری به‌توانا خوالێخۆشبوو هێمن قەرەداغی، پرسه و سه‌ره‌خۆشيى قووڵم ئاراسته‌ى خانه‌واده و كه‌سوكارى به‌ڕێزيان و نووسەران و ئەدەبدۆستانی كوردستان به‌گشتى دەكەم، هاوخه‌ميانم".
سه‌رۆكی هه‌رێم ڕاشیگه‌یاند "له يه‌زدانى مه‌زن هيواخوازم گيانى خوالێخۆشبوو به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت".
جێی باسه شاعیر و نووسه‌ر هێمن قه‌ره‌داغی شه‌وی ڕابردوو به‌هۆی ڕووداوێكی هاتوچۆ له شاری سلێمانی كۆچی دوایی كرد.
کۆمێنت (0)
تا ئێستا هیچ کۆمێنتێک نەکراوە.