رۆژی هه‌ینی ڕابردوو فڕۆكه‌یه‌كی ئه‌مه‌ریكی له ده‌ریای سپی ناوه‌راست كه‌وتبووه خواره‌وه و به‌هۆیه‌وه سه‌رجه‌م ئه‌ندامانی سه‌رنشینی فڕۆكه‌كه كه له 5 كه‌س پێكهاتبوون گیانیان له‌ده‌ست دا.
فه‌رمانده‌یی سه‌ربازی ئه‌مه‌ریكا له ئه‌وروپا ئه‌مڕۆ یه‌كشه‌م هۆكاری كه‌وتنه‌خواره‌وه‌ی فڕۆكه‌كه‌ی ئاشكرا كرد و ڕایگه‌یاند: فڕۆكه سه‌ربازییه‌كه له كاتی ئه‌نجامدانی مه‌شق بۆ پڕكردنه‌وه‌ی سووته‌مه‌نی له كاتی فڕیندا و له ئاسماندا كه‌وتۆته خواره‌وه.
ئاماژه‌ی به‌وه‌ش دا كه هه‌ر پێنج ئه‌ندامی سه‌رنشینی فڕۆكه‌كه گیانیان له‌ده‌ستداوه و ته‌رمه‌كانیشان دۆزراونه‌ته‌وه.
ئه‌مه‌ریكا ماوه‌یه‌ك به‌ر له ئێستا كه‌شتیگه‌لی فڕۆكه‌هه‌ڵگری ئایزنهاوه‌ری ره‌وانه‌ی ده‌ریای سپی ناوه‌ڕاست كردبوو وه‌ك هه‌وڵێك بۆ فراوننه‌بوونی به‌ره‌ی جه‌نگ له‌نێوان سوپای ئیسڕائیل و گرووپه چه‌كداره‌كانی فه‌ڵه‌ستین له رۆژهه‌ڵاتی ناوه‌ڕاستدا.
کۆمێنت (0)
تا ئێستا هیچ کۆمێنتێک نەکراوە.