ئه‌مشه‌و پێنجشه‌م له 34ـه‌مین رۆژی شه‌ڕ و پێدادانه‌كانی نێوان سوپای ئیسڕائیل و گرووپه چه‌كداره‌كانی فه‌ڵه‌ستین و هه‌روه‌ها به‌هۆی بۆردومانه‌كانه‌وه دوایین ئاماری كوژران و برینداران له كه‌رتی غه‌ززه بڵاو كرایه‌وه.
وه‌زاره‌تی ته‌ندروستی فه‌ڵه‌ستین ڕایگه‌یاند: ئه‌مڕۆ پێنجشه‌م ژماره‌ی كوژراوان له غه‌ززه گه‌یشته 10812 كه‌س كه له‌نێویاندا 4412 منداڵن له‌گه‌ڵ 2918 ئافره‌ت و 667 به‌ساڵاچوو.
ڕاشیگه‌یاند: له 7ی ئۆكتۆبه‌ره‌وه تا ئێستا به‌هۆی بۆردومانه‌كانی سوپای ئیسڕائیل 26 هه‌زار و 905 كه‌س بریندار بوون.
وه‌زاره‌تی ته‌ندروستی فه‌ڵه‌ستین ئاماژه‌ی به‌وه‌ش دا كه ئێستا 900 هه‌زار كه‌س له غه‌ززه به‌بێ جێگه و بێ ده‌رمانن و هیچ پارێزگارییه‌كیان نییه.
کۆمێنت (0)
تا ئێستا هیچ کۆمێنتێک نەکراوە.