وه‌زاره‌تی ته‌ندروستی فه‌ڵه‌ستین دوای نیوه‌ڕۆی ئه‌مڕۆ سێشه‌م دوایین ئاماری قوربانییانی له كه‌رتی غه‌ززه بڵاو كرده‌وه و ڕایگه‌یاند كه له 7ی ئۆكتۆبه‌ره‌وه تاكو ئێستا 10 هه‌زار و 328 كه‌س كوژراون.
گوته‌بێژی وه‌زاره‌تی ته‌ندروستی فه‌ڵه‌ستین له كۆنگره‌یه‌كی رۆژنامه‌وانیدا ڕایگه‌یاند: ژماره‌ی كوژراوان به‌هۆی بۆردومانه‌كانی سوپای ئیسڕائیل له غه‌ززه بۆ 10 هه‌زار و 328 كه‌س به‌رزبووه‌ته‌وه كه له‌نێویاندا 4 هه‌زار و 237 منداڵ هه‌ن له‌گه‌ڵ 2 هه‌زار و 719 ئافره‌ت.
ئه‌مه له‌كاتێكدایه كه زیاتر له مانگێكه شه‌ڕ و ڕووبه‌ڕووبوونه‌وه‌كان له‌نێوان سوپای ئیسڕائیل و گرووپه چه‌كداره‌كانی فه‌ڵه‌ستین درێژه‌ی هه‌یه و هه‌ردوولاش به‌رده‌وام بۆردومانی ناوچه‌كانی یه‌كتر ده‌كه‌ن به‌هۆیه‌وه هه‌زاران هاووڵاتی بوونه‌ته قوربانی و بریندار و ده‌ربه‌ده‌ربوون.
کۆمێنت (0)
تا ئێستا هیچ کۆمێنتێک نەکراوە.