ژمارەی سەربازە كوژراوەكانی سوپای ئیسرائیل گەیشتە 345 

سوپای ئیسرائیل لە سەرەتای دەستپێكردنی ئۆپەراسیۆنی “تۆفانی ئەقسا” لە 7ی ئۆكتۆبەرەوە ڕێگەی بە بڵاوكردنەوەی ناوی 345 كەسی كوژراو لە ڕیزەكانیدا دا.
ڕاگەیاندنی ژمارە نوێیەكە دوای ئەوە دێت كە سوپای ئیسرائیل ئاشكرای كرد، كە دوێنێ شەممە، 4 سەربازی دیكە لە كەرتی غەززە كوژراون.
ئەم ژمارەیە ڕۆژانە بەرز دەبێتەوە، بەهۆی پێكدادانی ڕاستەوخۆ لەگەڵ چەكدارانی لیواكانی عیزەدین قەسام و باڵی سەربازی بزووتنەوەی حەماس لە ژمارەیەك میحوەری باكووری كەرتی غەززە.
دوێنێ دانیال هاگاری، وتەبێژی سوپای ئیسرائیل ڕایگەیاند، لەگەڵ سەرۆك ئەركانی سوپای ئیسرائیل چوونەتە ناو كەرتی غەززە، لەوێ لەگەڵ فەرماندەی ئۆپەراسیۆنە سەربازییەكان كۆبوونەتەوە .