ئێوارەی رۆژی چوارشەممە 1ـی 11ی 2023، سەرۆک مەسعود بارزانی بۆ کۆچی دوایی خاتوو (نەجیبەخانی کچی مەحموودخانی دزڵی و هاوسەری مەرحوم شێخ ئەمین شێخ عەلائەدین نەقشبەندی) پەیامێکی هاوخەمیی بڵاوكرده‌وه.
له په‌یامه‌كه‌ی سه‌رۆك بارزانییدا هاتووه، بەناوی خودای مەزن و دلۆڤان، بەداخێکی زۆرەوە هەواڵی کۆچی خاتوو (نەجیبەخانی کچی مەحموودخانی دزڵی و هاوسەری مەرحوم شێخ ئەمین شێخ عەلائەدین نەقشبەندی)ـم پێ گەیشت.
سه‌رۆك بارزانی راشیده‌گه‌ێنێت، پرسە و سەرەخۆشیی خۆم ئاراستەی تەواوی بنەماڵەی مەحموودخان و بنەماڵەی نەقشبەندی و خزم و کەسوکار و ئاشنایانیان دەکەم و خۆم بە هاوبەشی خەمیان دەزانم.
سه‌رۆك مه‌سعود بارزانی ده‌شڵێت، لە خودای مەزن داواکارم ڕۆحی خوالێخۆشبوو نەجیبەخان بە بەهەشتی بەرین شاد بکات و سەبر و ئارامی بە هەموو لایەک ببەخشێت.
کۆمێنت (0)
تا ئێستا هیچ کۆمێنتێک نەکراوە.