کۆمەلگەها لایف پارک یا گەشتیاری، ل سنوورێ ئیدارا سەربەخۆ یا زاخۆ کەڤتە د خزمەتا خەلکێ دەڤەرێدا

ئەڤرۆ ڕێککەڤتی 1ی چریا دووێ 2023، ب چاڤدێریا  گوهدار شێخۆ سەرپەرشتێ ئیدارا سەربەخۆ یا زاخۆ، کۆمەلگەها لایف پارک یا گەشتیاری، ل سنوورێ ئیدارا سەربەخۆ یا زاخۆ هاتە ڤەکرن. پرۆژە پێکهاتیە ژ ( 20 یەکەیێن نیشتەجێبوونێ، هۆلێن مەلەڤانگەهێ و وەرزشێ، کافێتریا و خوارنگەهـ، یاریێن زارۆکان، پارک، هۆلا کۆنفرانس و شەهیانان)
د پەیڤەکێ دا شێخۆ، دیارکر، کو پشتەڤانیا حکومەتا هەرێما کوردستانێ ب سەرۆکاتیا جەنابێ رێزدار مسرور بارزانێ، قۆناغێن ئاڤەدانکرنێ ل هەموو سنوورێ ئیدارا سەربەخۆ یا زاخۆ، د بەردەوامن و ڤەرێژا وێ دیار بەرچاڤن.
گووتژی،سوپاسیا وەبەرهێنەرێن زاخۆ دکین کو پشتەڤانن د خوەشگوزەرانیا باژیریدا هەر ئێک ب رێکێن خوەیێن جودا، یێن پرۆژێن وەبەرهێنانێ گەشە دکن دخزمەتا خەلکێ خوە و دەڤەرێدا، مینا ڤی پرۆژێ جوان و رێک و پێک، لەورا جهێ خوەشحالییا مەیە.