سوپای ئیسڕائیل ئه‌مشه‌و سێشه‌م دوایین ئاماری كوژراوانی بڵاو كرده‌وه له رۆژی یه‌كه‌می ده‌ستپێكردنی ئۆپه‌ڕاسیۆنی تۆفانی ئه‌قسای كه‌تائیبی قه‌سام سه‌ر به بزووتنه‌وه‌ی حه‌ماس له رۆژی 7ی ئۆكتۆبه‌ری ڕابردووه‌وه.
ماڵپه‌ڕی فه‌رمی سوپای ئیسڕائیل ئاشكرای كرد كه له‌نێو ئه‌فسه‌ر و سه‌ربازاندا تا ئێستا 317 كه‌س كوژراون.
ئه‌مه له‌كاتێكدایه كه ئه‌مڕۆ سێشه‌م شه‌ڕ و پێكدادانه‌كانی نێوان سوپای ئیسڕائیل و بزووتنه‌وه‌ی حه‌ماس پێ ده‌نێته رۆژی 25ـه‌وه و به‌تایبه‌تیش له چه‌ند رۆژی ڕابردوودا بۆردومان و هێرشه‌كانی سوپای ئیسڕائیل بۆ سه‌ر غه‌ززه چڕتر و فراوانتر بووه.
له‌لایه‌كی تریشه‌وه وه‌زاره‌تی ته‌ندروستی فه‌ڵه‌ستین له‌باره‌ی دوایین ئاماری قوربانییه‌كان ڕایگه‌یاند كه له 7ی ئۆكتۆبه‌ره‌وه تاكو ئێواره‌ی ئه‌مڕۆ سێشه‌م 8525 هاووڵاتی فه‌ڵه‌ستینی له غه‌ززه كوژراون كه زۆرینه‌یان منداڵ و ئافره‌ت و به‌ساڵاچوون.
کۆمێنت (0)
تا ئێستا هیچ کۆمێنتێک نەکراوە.