رووداوێكی هاتووچۆ له قه‌زای خه‌بات گیان له ده‌ستدان و برینداربوونی لێكه‌وته‌وه.
ئێواره‌ی ئه‌مڕۆ شه‌ممه 28ی10ی2023، له رووداوێكی هاتووچۆدا كه له نێوان ئۆتۆمبێلێكی نیسان و ماتۆڕسكیلێك له ناوچه‌ی پیشه‌سازی قه‌زای خه‌بات له سنووری پارێزگای هه‌ولێر روویدا، 2 كه‌س بوونه قوربانی.
راید بێباك به‌رێوه‌به‌ری هاتووچۆی قه‌زای خه‌بات تایبه‌ت بۆ كوردستان تیڤی رایگه‌یاند، رووداوه‌كه گیان له ده‌ستدان و برینداربوونی لێكه‌وته‌وه، كه ئه‌و كه‌سه‌ی گیانی له‌ده‌ستداوه گه‌نجێكی ته‌مه‌ن 23 ساڵه و منداڵێكی ته‌مه‌ن نۆ ساڵیش كه له نێو ئۆتۆمبێله‌كه‌دا بووه به‌سه‌ختی برینداربووه.
هه‌روه‌ها ئاماژه‌ی به‌وه‌شكرد، رووداوه‌كه‌ی نێوان هه‌ردوولا به‌هۆی پابه‌ند نه‌بوونیان بووه به رێنمایی و یاساكانی هاتووچۆ كه دواجار ئه‌م كاره‌ساته‌ی لێكه‌وته‌وه.
سالار نامیق - قه‌زای خه‌بات
کۆمێنت (0)
تا ئێستا هیچ کۆمێنتێک نەکراوە.