سەرۆکی حکوومەتی هەرێمی کوردستان لە پرسەنامەیەکدا بۆ کۆچی دوایی نووسەر و ڕاگەیاندنکاری ناسراوی عەرەب و وەزیری پێشووتری ڕاگەیاندن و ڕۆشنبیریی ئوردن دەڵێت، داکۆکیکارێکی دیاری مافەکانی گەلی کوردستان بوو.
ئەمڕۆ چوارشەممە 25ـی 10ـی 2023 ساڵح قەللاب نووسەر و ڕاگەیاندنکاری ناسراوی عەرەب و وەزیری پێشووتری ڕاگەیاندن و ڕۆشنبیریی ئوردن کۆچی دوایی کرد، مەسرور بارزانی سەرۆکی حکوومەتی هەرێمی کوردستان پرسەنامەیەکی بڵاو کردەوە و ڕایگەیاند: بە داخەوە هەواڵی کۆچی دوایی نووسەر و ڕاگەیاندنکاری ناسراوی عەرەب و وەزیری پێشووتری ڕاگەیاندن و ڕۆشنبیریی ئوردن ساڵح قەللاب-م بیست.
ڕاشیگەیاند: خوالێخۆشبوو ساڵح قەللاب داکۆکیکارێکی دیاری مافەکانی گەلی کوردستان بوو.
سەرۆکی حکوومەتی هەرێمی کوردستان هەروەها نووسیویەتی "پرسە و سەرەخۆشی لە بنەماڵە بەڕێزەکەی دەکەم و هاوبەشی خەمیانم، خوای مەزن گیانی بە بەهەشت شاد بکات و سەبر و ئارامییش بە کەسوکار و هاوڕێکانی ببەخشێت."
ساڵح قەللاب، وەزیری پێشووی ڕاگەیاندن و ڕۆشنبیریی ئوردن بوو، نووسەر و ڕاگەیاندنکار بووە، هەروەها بۆ ماوەی چوار خوول ئەندامی ئەنجوومەنی پیاوماقوڵان بووە، یەکێکیشە لە دامەزرێنەرانی کەناڵی ئاسمانی عەرەبییە.
کۆمێنت (0)
تا ئێستا هیچ کۆمێنتێک نەکراوە.