ئێواره‌ى ئه‌مرۆ سێشه‌م نێچيرڤان بارزانى سه‌رۆكى هه‌رێمى كوردستان پێشوازى له ئايدن مه‌عرووف وه‌زيرى كاروبارى پێكهاته‌كان له حكوومه‌تى هه‌رێمى كوردستان كرد.
له ديدارێكدا هه‌ردوولا ده‌باره‌ى دۆخى پێكهاته‌كان و مافه‌كانيان له هه‌رێمى كوردستان بيروڕايان گۆڕييه‌وه. له‌مباره‌وه ئايدن مه‌عرووف پوخته‌يه‌كى دەربارەی چه‌ند لايه‌نێكى په‌يوه‌نديدار به دۆخى پێكهاته نه‌ته‌وه‌يى و ئايينیه‌كان و ئاماده‌يى و ڕۆڵيان له ژيانى سياسى و كارگێڕيى وڵاتدا، خسته ڕوو.
لاى خۆيه‌وه نێچيرڤان بارزانى وێڕاى ئاماژه‌دان به پێويستيى پاراستنى مافى پێكهاته‌كان و فراوانكردن و بره‌ودانى به‌رده‌وام به كولتوورى پێكه‌وه‌ژيان و يه‌كترقبووڵكردن و لێبورده‌يی، جه‌ختى له‌وه كرده‌وه كه هه‌رێمى كوردستان بۆ هه‌ميشه به وڵاتى هه‌مووان و لانه‌يه‌كى ئارام بۆ ته‌واوى پێكهاته ئايينى و نه‌ته‌وه‌يييه‌كانى دمێنێته‌وه و به هه‌موو شێوه‌يه‌ك پارێزگارى له مۆزاييكى ئایین و نه‌ته‌وه‌کان ده‌كات.
کۆمێنت (0)
تا ئێستا هیچ کۆمێنتێک نەکراوە.