به‌رێوه‌به‌رایه‌تی گشتی حه‌ج و عومڕه‌ هاووڵاتیان ئاگادار ده‌كاته‌وه‌

حه‌ج و عومره‌ی هه‌رێمی كوردستان ئاگادارییه‌كی بڵاوكرده‌وه‌.
ئه‌مڕۆ سێشه‌م 24ی10ی2023، به‌رێوه‌به‌رایه‌تی گشتی حه‌ج و عومڕه‌ی هه‌رێمی كوردستان بڵاویكرده‌وه‌،.  پرۆسه‌ی پڕكردنه‌وه‌ی فۆرمی حاجیان زۆر به‌ سه‌ركه‌وتوویی به‌رێوه‌چووه‌ و رۆژانه‌  له‌ نزیكه‌وه‌ ئاگاداری هه‌موو بنكه‌كانی تۆماركردنی فۆرمی حاجیانن و به‌رده‌وامیش له‌ رێگه‌ی راگه‌یاندن و نووسینگه‌كانه‌وه‌ ڕێنمایی و به‌رچاوڕوونی بۆ هاووڵاتیان ده‌خه‌نه‌ڕوو.
به‌رێوه‌به‌رایه‌تی گشتی حه‌ج و عومڕه‌ی هه‌رێمی كوردستان ئاگاداری هاووڵاتیانی هه‌رێمی كوردستان ده‌كاته‌وه‌ له‌ رۆژی پێنج شه‌ممه‌ به‌رواری 26/10/2023 كۆتا رۆژی پڕكردنه‌وه‌ی فۆرمی حاجیان ده‌بێت.
هه‌روه‌ها به‌رێوه‌به‌رایه‌تی گشتی حه‌ج و عومڕه‌ ڕایده‌گه‌یه‌نێت كه‌ ئه‌مساڵ رێككاره‌كانی حه‌ج كردن له‌ سعوودیه‌ پێشخراوه‌، هه‌موو وڵاتان ئاگه‌دار كراونه‌ته‌وه‌ كه‌ ده‌بێت به‌ر له‌ ساڵی 2024 رێككاره‌كان ته‌واو بكه‌ن و بۆیه‌ دوای كۆتایی هاتنی پرۆسه‌ی ناونووسین به‌رێوه‌به‌رایه‌تی گشتی حه‌ج و عومڕه‌ی هه‌رێمی كوردستان سه‌رقاڵی رێكخستنی ناوه‌كان و ئاماده‌كردنیان بۆ تیروپشك ده‌بێت.
هه‌روه‌ها بڵاویشی كردووه‌ته‌وه‌،  داوا له‌ هه‌موو هاووڵاتیان ده‌كه‌ین ئه‌وانه‌ی تاوه‌كوو ئێستا ناویان تۆمارنه‌كردووه‌ تاوه‌كوو رۆژی پێنج شه‌ممه‌ سه‌ردانی نووسینگه‌كانی حه‌ج و عومڕه‌ له‌ پارێزگا و ئیداره‌ سه‌ربه‌خۆییه‌كان بكه‌ن به‌ پێچه‌وانه‌وه‌ دوای ئه‌و واده‌یه‌ فۆرمی ناونووسینی حه‌ج به‌رده‌ست نابێت.