سەرۆکی هەرێمی کوردستان پێشوازی لە باڵیۆزی پاکستان لە عێراق کرد و سوپاس و پێزانينى پێشكه‌ش به باڵيۆزى پاكستان كرد بۆ كار و هه‌وڵه‌كانى له‌پێناو بره‌ودان به په‌يوه‌ندييه‌كانى پاكستان له‌گه‌ڵ عێراق و هه‌رێمى كوردستاندا.
پاشنيوه‌ڕۆى ئه‌مڕۆ دووشه‌ممه 23ـی 10ـی 2023 نێچيرڤان بارزانى سه‌رۆكى هه‌رێمى كوردستان پێشوازى له ئه‌حمه‌د ئه‌مجه‌د عه‌لى، باڵيۆزى پاكستان كرد بۆ ماڵئاوايى و كۆتاهاتنى ئه‌ركه‌كه‌ى له عێراق.
نێچيرڤان بارزانى، سوپاس و پێزانينى پێشكه‌ش به باڵيۆزى پاكستان كرد بۆ كار و هه‌وڵه‌كانى له‌پێناو بره‌ودان به په‌يوه‌ندييه‌كانى پاكستان له‌گه‌ڵ عێراق و هه‌رێمى كوردستاندا و هيواى سه‌ركه‌وتنى له ئه‌ركى نوێيدا بۆ خواست.
لاى خۆيه‌وه، باڵيۆزى پاكستان، وێڕاى سوپاسگوزارى بۆ هاوكارى و هه‌ماهه‌نگيى لايه‌نه په‌يوه‌نديداره‌كان له عێراق و هه‌رێمى كوردستان بۆ سه‌رخستنى كار و ئه‌ركه‌كانى، هيواى به‌ره‌وپێشچوونى زياترى په‌يوه‌ندييه‌كانى وڵاته‌كه‌ى له‌گه‌ڵ عێراق و هه‌رێمى كوردستان خواست.
له ته‌وه‌رێكى ديكه‌ى ديداره‌كه‌دا، باس له دوايين پێشهاته‌كانى دۆخى ناوچه‌كه كرا.
کۆمێنت (0)
تا ئێستا هیچ کۆمێنتێک نەکراوە.