هەولێر.. خاوێنکردنەوەی ئاوبەر و ئاوەرۆکان و ڕێرەوەکانی ئاو له‌ چه‌ندین شوێندا بەردەوامە

لە هەولێر و دەروبەرى خاوێنکردنەوەی ئاوبەر و ئاوەرۆکان و کەند و ڕێرەوەکانی ئاوی باران لە شەقام و گەڕەگ و شوێنەگشتییەکان بەردەوامە.
پارێزگای هه‌ولێر ئه‌مڕۆ یه‌كشه‌م 22ی10ی2023 بڵاویكرده‌وه‌، لە چوارچێوەی هەڵمەتى کەمکردنەوەى مەترسی ڕوودان و ڕێگەگرتن لە دروستبوونى لافاو و ئامادەکارى بۆ ڕووبەڕووبوونەوەى هەر ئەگەرێکى نەخوازراو بە هۆى گۆڕانى کەش و هەوا.
راشگه‌یاندراوه‌، لە سنوورى پارێزگاى هەولێر بەشێوەیەکى فراوان پڕۆسەى خاوێنکردنەوەی ئاوبەر و ئاوەڕۆکان و کەند و ڕێرەوەکانی ئاوی باران لە شەقام و شوێنەگشتییەکان و مەنهۆلى گەڕەک و کۆڵانەکان لەلایەن تیمەکانى فەرمانگە خزمەتگوزارییەکان بەردەوامە.