حکوومەتی هەرێمی کوردستان لە ڕاگەیەنراوێکدا سەرکۆنەی هێرشکردنەسەر نەخۆشخانەی مەعمەدانی لە غەززە دەکات کە بەهۆیەوە زیاتر لە 500 کەس بوونە قوربانی.
ئەمشەو سێشەممە 17ـی 10ـی 2023 لە چوارچێوەی پێکدادان و ڕووبەڕووبوونەوەکانی ئیسرائیل و بزووتنەوەی حەماس، هێرشکرایەسەر نەخۆشخانەی مەعمەدانی لە غەززە.
پێشەوا هەورامانی گوتەبێژی حکوومەتی هەرێمی کوردستان لەمبارەیەوە ڕاگەیەنراوێکی بڵاوکردەوە و ڕایگەیاند: حکوومەتی هەرێمی کوردستان هێرشی ئەمڕۆی سەر نەخۆشخانەی مەعمەدانی لە غەززە، سەرکۆنە دەکات کە بەهۆیەوە زیاتر لە 500 کەس بوونەتە قوربانی و قوربانیەکانیش زۆربەیان ئافرەت و منداڵن.
گوتەبێژی حکوومەت ئاماژەی بەوەش داوە کە “دووپاتی دەکەینەوە جەنگ و هێرشی سەربازی چارەسەر نییە بۆ کێشەکان و داوا لە کۆمەڵگەی نێودەوڵەتی دەکەین هەوڵەکانییان بۆ پاراستنی خەلکی سڤیل و بێتاوان لە مەترسییەکان چڕ بکەنەوە."
کۆمێنت (0)
تا ئێستا هیچ کۆمێنتێک نەکراوە.