هونه‌رمه‌ندێكی كورد خه‌ڵاتێكی جیهانی وه‌رده‌گرێت

گه‌وره‌ هونه‌رمه‌ندی كورد " د. هاوڕێ زەنگەنە" خه‌ڵاتی (ئه‌رگولا فۆن گرومباخ)ی له‌ شاری میونشینی ئه‌ڵمانیا  پێبه‌خشرا.
 به‌م بۆنه‌یه‌وه‌ بەشی ڕۆشنبیری و ڕاگەیاندنی پارتی دیموکراتی کوردستان پیرۆز بایی له‌  د. هاوڕێ زەنگەنە ده‌كات .
بە بۆنەی وەرگرتنی خەڵاتی (ئەرگولا فۆن گرومباخ) لە شاری میونشینی ئەڵمانیا، پیرۆزباییەکی گەرمت لێدەکەین و هیوادارین ئەو بەرهەم و داهێنانەتان لە خزمەت هونەر و کوولتوری کوردی و فەرهەنگی فرەیی کوردستانیی بێت و پرۆژەیەکی دیکە بێت بۆ ناساندنی کولتوور و ڕەسەنایەتی کۆمەڵگەی کوردستانیی بە جیهان.
 بێگومان ئەو ڕێزلێنانە گرنگی و بایەخی خۆی هەیە و دەکرێ بواری هونەر و شانۆ ڕۆلێکی پیرۆز و بونیادنەرانە ببینن لە پێشکەوتنی کۆمەڵگە و گۆڕانکارییەکان لە رووی پەروەردە و هۆشیاری هونەری و ڕۆشنبیری و پرسە نەتەوەیی و نیشتیمانییەکاندا.
 دووبارە پیرۆز بێت ئەو خەڵاتە و بە ئومێدی بەرهەم و پڕۆژەی نوێتر..
بەشی ڕۆشنبیری و ڕاگەیاندنی پارتی دیموکراتی کوردستان