ئاگادارییەك لە بەرێوەبەرایەتی گشتی حەج و عومڕەی هەرێمی كوردستان

بەرێوەبەرایەتی گشتی حەج وعومڕەی هەرێمی كوردستان ئاگاداری هاووڵاتیانی هەرێمی كوردستان دەكاتەوە كە پەلە نەكەن لە ناونووسین بۆ پڕكردنەوەی فۆرمی حاجیان چونكە ناونووسین بۆ ماوەی 12 رۆژ بەردەوام بێت.
ئاگادارییەك لە بەرێوەبەرایەتی گشتی حەج و عومڕەی هەرێمی كوردستان
بەرێوەبەرایەتی گشتی حەج و عومڕەی هەرێمی كوردستان ئاگاداری هاووڵاتیانی هەرێمی كوردستان دەكاتەوە كە پەلە نەكەن لە ناونووسین بۆ پڕكردنەوەی فۆرمی حاجیان چونكە ناونووسین بۆ ماوەی 12 رۆژ بەردەوام بێت و لەمڕۆوە 15/10/2023 تاوەكوو پێنج شەممەی داهاتوو رێكەوتی 26/10/2023 بەردەوام بێت، بۆیە ئاگاداری هەموو لایەك دەكەینەوە كە پرۆسەكە رۆژانە بەردەوام دەبێت وهەمووفەرمانبەرانی بەرێوەبەرایەتی گشتی حەج و عومڕەی هەرێمی كوردستان لە خزمەتی هاووڵاتیاندان، تاوەكوو هەموو ئەو هاووڵاتیانەی ئارەزوومەندن فۆرمی حاجیان پڕ بكەنەوە بتوانن فۆرمەكە وەربگرن،لێرەوە داواكارین لە هاووڵاتیان كە هاوكاری نووسینگەكانی حەج و عومڕە و بنكەكانی ناونووسین بكەن تاوەكوو پرۆسەكە بە سەركەوتوویی بەرێوەبچێت و هەروەها ئاگاداری هاووڵاتیانیش دەكەین كە ئەوانەی بە تەمەن و پەككەوتەن ئەوا كەسوكارییان یاخود كەسێكی نزیكیان دەتوانێت فۆرمەكە وەربگرێت و پێویست بەوە ناكات كەسانی بەساڵاچوو یاخود نەخۆش بە مەبەستی وەرگرتنی فۆرمی سەردانی بنكەكانی ناونووسین بكەن بەمەبەستی وەرگرتنی فۆرمی حاجیان.
 
بەرێوەبەرایەتی گشتی حەج وعومڕەی هەرێمی كوردستان
15/10/2023