مه‌دریدی پایته‌ختی ئیسپانیا ڕایگه‌یاند كه سه‌رۆك وه‌زیرانی وڵاته‌كه‌یان به‌شداریی له كۆبوونه‌وه‌ی لووتكه‌ی G20 ناكات كه بڕیاره سبه و دووسبه‌ی له هیندستان به‌ڕێوه بچێت.
پێدرۆ سانچێز سه‌رۆك وه‌زیرانی ئیسپانیا تووشی ڤایرۆسه گۆڕاوه نوێیه‌كه‌ی كۆڕۆنا بووه و به‌هۆیه‌وه ناتوانێ به‌شداری له كۆبوونه‌وه‌ی لووتكه‌ی وڵاتانی G20 بكات.
حكوومه‌تی ئیسپانیا ڕایگه‌یاند، به‌ر له ده‌ستپێكردنی كۆبوونه‌وه‌ی لووتكه‌ی G20 ، سانچێز پشكنینی ئیجباری ئه‌نجامداوه و ئه‌نجامه‌كه‌شی شه‌وی ڕابردوو به پۆزه‌تیف گه‌ڕاوه‌ته‌وه.
ئاماژه‌ی به‌وه‌ش دا كه به‌هۆی تووشبوونی به ڤایرۆسی كۆڤید 19، سه‌رۆك وه‌زیرانی ئیسپانیا ناتوانێ سه‌ردانی نیودلهی بكات بۆ به‌شداریكردنی له كۆبوونه‌وه‌كانی لووتكه‌ی وڵاتانی G20.
حكوومه‌تی ئیسپانیا جه‌ختیشی كرده‌وه كه هه‌رچه‌نده ده‌ركه‌وتووه سانچێز تووشی كۆڕۆنا بووه، به‌ڵام ته‌ندروستی باش و جێگیره و له ماڵه‌وه كاره‌كانی ئه‌نجام ده‌دات.
به‌مه‌ش ئیسپانیا له كۆبوونه‌وه‌ی لووتكه‌ی وڵاتانی G20 به هه‌ریه‌ك له وه‌زیری ده‌ره‌وه و جێگیری سه‌رۆك وه‌زیران و وه‌زیری ئابووری به‌شدار ده‌بێت.
کۆمێنت (0)
تا ئێستا هیچ کۆمێنتێک نەکراوە.