ئەمڕۆ شەممە، بانكی ڕافیدەین هۆشداری دایە خاوەن كارتە ئەلیكترۆنییەكان لە مامەڵەكردن لەگەڵ لایەنە نەناسراوەكانی دەرەوەی بانكەكە و پەیجە ساختەكان كە بانگەشەی پێدانی پێشینە و قەرز دەكەن.
نووسینگەی ڕاگەیاندنی بانكەكە لە بەیاننامەیەكدا ڕایگەیاندووە،پەیجە ساختەكان و لینكی ئەلیكترۆنی ساختە، لەم دواییانەدا دەنگۆی ئەوەیان بڵاوكردۆتەوە كە گوایە لەگەڵ بانكەكەمان كار دەكەن و داوا لە هاووڵاتیان دەكەن بچنە نێو لینكەكانیان بۆ ئەوەی داوای پێشینەی كەسی و قەرز بكەن.
ئاماژەی بەوەشكرد،بانكەكە مامەڵە لەگەڵ هیچ قەوارە و دامەزراوەیەك ناكات كە پێشینە و قەرز بدات، بەڵكو مامەڵەی قەرز لەڕێگەی لقەكانی بانكەكەمانەوە دەكرێت كە لەئێستادا بەشێوەیەكی كاتی ڕاگیراون.
هەروەها بەیاننامەكەدا داوا لەو فەرمانبەر و خانەنشینانەی كە كارتی پارەدانی ئەلیكترۆنییان هەیە دەكات ، وریا بن و هیچ داتایەكی پەیوەست بە كارتەكانیان (ماستەر كارت) یان وشەی نهێنی كارتەكەیان نەدەن بە هیچ كەسێك .
بانكێكی حكومی هۆشداری دەداتە فەرمانبەران و خانەنشینان
![](/content/upload/1/root/doc-p-465111-638280241760787154_w900_h900.jpg)
100%
کۆمێنت (0)
تا ئێستا هیچ کۆمێنتێک نەکراوە.