بوومه‌له‌رزه‌یه‌كی به‌هێز توركیای هه‌ژاند

سه‌رله‌ئێواره‌ی ئه‌مڕۆ چوارشه‌م بوومه‌له‌رزه‌یه‌كی به‌هێز سنووری شاری ئه‌ده‌نه‌ی توركیای هه‌ژاند.

به‌ڕێوه‌به‌رایه‌تی كاره‌سات و فریاگوزاری توركیا بڵاوی كرده‌وه‌: سه‌رله‌ئێواره‌ی ئه‌مڕۆ چوارشه‌م كاتژمێر 5:36 (به‌كاتی توركیا) بوومه‌له‌رزه‌یه‌كی به‌هێز له‌ شاره‌دیی ئاڵه‌داغ له‌ شاری ئه‌ده‌نه‌ ڕووی دا.

ڕاشیگه‌یاند: هێزی بوومه‌له‌رزه‌كه‌ 4.5 پله‌ی ڕێخته‌ر بووه‌ و له‌ قوڵایی 7.3 كیلۆمه‌تر له‌ ژێر زه‌وییه‌وه‌ دروستبووه‌.

به‌ڕێوه‌به‌رایه‌تی كاره‌سات و فریاگوزاری توركیا سه‌باره‌ت به‌ زیانه‌ گیانی و ماددییه‌كان به‌هۆی بوومه‌له‌رزه‌كه‌وه‌ هیچ زانیارییه‌كی نه‌خسته‌ڕوو.