حاكمی ویلایه‌تی فلۆریدا كه به‌ربژێره بۆ هه‌ڵبژاردنه‌كانی سه‌رۆكی ئه‌مه‌ریكا، ئه‌مڕۆ سێشه‌م تووشی ڕووداوێكی هاتوچۆ بوو، به‌ڵام ته‌ندروستی باش و سه‌لامه‌ته.
گوته‌بێژی حاكمی ویلایه‌تی فلۆریدا ڕایگه‌یاند: سه‌رله‌به‌یانی ئه‌مڕۆ سێشه‌م رۆن دیسانتیس حاكمی ویلایه‌تی فلۆریدا و به‌ربژێری هه‌ڵبژاردنه‌كانی سه‌رۆكی ئه‌مه‌ریكا له كاتی چوونی بۆ ویلایه‌تی تێنیسی، تووشی ڕووداوی هاتوچۆ بووه.
ڕاشیگه‌یاند: دیسانتیس و سه‌رجه‌م ئه‌ندامانی تیمه‌كه‌ی سه‌لامه‌تن و له ڕووداوه‌كه ئازاریان پێ نه‌گه‌یشتووه.
دیسانتیس كه ته‌مه‌نی 44 ساڵه، مانگی ئایاری ڕابردوو به فه‌رمی به‌ربژێربوونی خۆی بۆ هه‌ڵبژاردنه‌كانی سه‌رۆكی ئه‌مه‌ریكا له لیستی پارتی كۆماری ڕاگه‌یاند.
ئه‌م به‌ربژێره گه‌نجه پێیوایه باشترین جێگره‌وه‌ی دۆناڵد تره‌مپه له هه‌ڵبژاردنه‌كانی سه‌رۆكی ئه‌مه‌ریكا بۆ ئه‌وه‌ی دووباره پارتی كۆماری بگه‌ڕێنێته‌وه نێو كۆشكی سپی.
کۆمێنت (0)
تا ئێستا هیچ کۆمێنتێک نەکراوە.