لە هێرشێکدا بۆ سەر بارەگای هوداپار لە ئەدەنە بەپرسی لق بریندار کرا و سكرتێری هوداپار لە ئەدەنە کوژرا.
ئێوارەی ئەمڕۆ شەممە 22ـی 07ـی 2023 ساڵح ده‌میر به‌رپرسی لقی هوداپار له پارێزگای ئەدەنە له ئه‌نجامی هێرشێكی چه‌كدارییدا كه له لقی پارته‌كه‌دا كرایه‌سه‌ری برینداربوو، هەروەها ساجید پیشگین سكرتێری لقی پارێزگاكه، کوژرا.
لە ڕاگەیەنراوێک پارێزگای ئەدەنە لەمبارەیەوە ڕایگەیاند: کەسێک بە ناوی ئـ. س. ته‌مه‌ن 72 ساڵان چووه‌ته لقی هوداپار له پارێزگای ئادانا و به چه‌قۆ په‌لاماری ساڵح ده‌میر و ساجید پیشگینی داوه كه له‌نێو مزگه‌وتی لقه‌كه‌دا بوون، دوای برینداربوونیان، ساڵح ده‌میر و ساجید پیشگین ره‌وانه‌ی نه‌خۆشخانه كراون، ساجید پشگین لە نەخۆشخانە گیانی لەدەست داوە.
ئاماژەی بەوەش دا کە تۆمەتباری ڕووداوەکە له‌لایه‌ن پۆلیسه‌وه ده‌ستگیر كراوه و هێزه‌كانی پۆلیس له‌به‌رده‌م باڵه‌خانه‌كه‌دا ڕێكاری ئه‌منییان گرتووه‌ته‌به‌ر.
کۆمێنت (0)
تا ئێستا هیچ کۆمێنتێک نەکراوە.