پارێزگایه‌كی عێراق ئه‌مڕۆ سێشه‌م بڕیاری دا كاتژمێره‌كانی ده‌وامی فه‌رمانبه‌ران له فه‌رمانگه‌كانی حكوومه‌ت له پارێزگاكه‌یان كه‌م بكرێته‌وه به‌هۆی به‌رزبوونه‌وه‌ی پله‌كانی گه‌رماوه.
له نووسراوێكی مه‌یسه‌م عه‌بدولئیلا پارێزگاری دیوانییه كه ئه‌مڕۆ سێشه‌م واژووی له‌سه‌ر كردووه، هاتووه: به‌پێی ئه‌و ده‌سه‌ڵاته‌ی پێماندراوه و به له‌به‌رچاوگرتنی به‌رزبوونه‌وه‌ی پله‌كانی گه‌رما، بڕیارمان دا ده‌وامی فه‌رمانبه‌ران له سه‌رجه‌م فه‌رمانگه‌كانی سه‌ر به پارێزگاكه‌مان كاتژمێر و نیوێك كه‌م بكرێته‌وه.
هه‌روه‌ها هاتووه: ده‌وامی فه‌رمانبه‌ران بۆ له‌مه‌ودوا له كاتژمێر 1:30ی دوای نیوه‌ڕۆ كۆتایی دێت.
ئاماژه به‌وه‌شدراوه كه بڕیاره‌كه له ئه‌مڕۆ سێشه‌مه‌وه له پارێزگاكه‌یان ده‌كه‌وێته بواری جێبه‌جێكردنه‌وه و تا رۆژی 31ی 8ی 2023 به‌رده‌وام ده‌بێت.
کۆمێنت (0)
تا ئێستا هیچ کۆمێنتێک نەکراوە.