Erbil 15°C ھەینی 29 ئازار 12:04

ئه‌مڕۆ چه‌ند ته‌رمێكی داعش له‌ كه‌ركووك دۆزرانه‌وه‌

کوردستان TV
100%

فه‌رمانده‌یی ئۆپه‌ڕاسیۆنه‌ هاوبه‌شه‌كانی عێراق ئه‌مڕۆ سێشه‌م دۆزینه‌وه‌ی چه‌ند ته‌رمێكی چه‌كدارانی رێكخراوی تیرۆریستی داعشی له‌ سنووری پارێزگای كه‌ركووك ڕاگه‌یاند.

فه‌رمانده‌ییه‌كه‌ له‌ ڕاگه‌یه‌نراوێكدا بڵاوی كرده‌وه‌: ئه‌مڕۆ سێشه‌م له‌ هه‌ڵمه‌تێكی گه‌ڕان و پشكنیندا توانرا چه‌ند ته‌رمێكی چه‌كدارانی رێكخراوی تیرۆریستی داعشی له‌ وادی شا له‌ سنووری پارێزگای كه‌ركووك بدۆزرێته‌وه‌.

ڕاشیگه‌یاند: ته‌رمه‌كان به‌ر له‌ دوو رۆژ له‌لایه‌ن بۆردومانی فڕۆكه‌ جه‌نگییه‌كانی عێراقه‌وه‌ كرابوونه‌ ئامانج و له‌نێو برابوون.

فه‌رمانده‌یی ئۆپه‌ڕاسیۆنه‌ هاوبه‌شه‌كان ئاماژه‌شی دا كه‌ جگه‌ له‌ دۆزینه‌وه‌ی ته‌رمه‌كان، چه‌ندان كه‌لوپه‌ل و پاشماوه‌ی چه‌كداره‌كانیش له‌ شوێنی بۆردومانه‌كه‌ دۆزرانه‌وه‌ كه‌ خۆی له‌ چه‌ندان چه‌كی سووك و مامناوه‌ند و مووشه‌ك و ته‌قه‌مه‌نی و هاوه‌ن ده‌بینێته‌وه‌‌.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.